Asteazkena, apirilak 10

17:30

Ate irekien eguna Haur Eskolan

Ordutegia: 17:30etan euskaraz, 18:30etan gaztelaniaz.Tokia: Haur Eskola.Zehaztasunak: ate irekien eguna apirilaren 10ean. Nori zuzendua: 2017, 2018 eta 2019 urteetan jaiotako haurrei zuzendua.2019-20 ikasturterako matrikulazioa: apirilaren 11tik maiatzera 10era (apirilaren 15etik 28ra izan ezik).Matrikulaziorako: hitzordua eskatu aurrez, 943 374 061 telefono zenbakian, 8:30-12:00 artean.Informazio gehiago: 943 374 061 haureskola@udarregi.eusKalezar 15, 20170 UsurbilOharra: "Behin ikasturtea hasita, Haur Eskolak eskaintzen duen zerbitzuaren beharra izango duzuela aurreikusten baduzue, matrikulazio garaian gurekin harremanetan jartzea eskertuko genizueke, epez kanpoko izen-emateei ezin baitiegu plaza eta ordutegia bermatu".Haur Eskolako zerbitzuaren egutegia eta ordutegia: irailetik uztailera, astelehenetik ostiralera, 7:30-16:30 artean.Antolatzailea: Usurbilgo Haur Eskola.

19:30

21. Korrikako dokumentala: "Txillardegiren Klika"

Ordua: 19:30.Tokia: Sutegiko auditorioa.Zehaztasunak: "Korrikak aurten omenduko duen Txillardegiren dokumentala eskainiko da. Txillardegiren Klika osatzeko, 14. KORRIKAk Txillardegiri grabatutako elkarrizketan oinarritu da Kote Camacho. Dokumental berri horren ardatza elkarrizketa hartako irudi gordinek osatuko dute, nagusiki: han jorraturiko gaiek dokumental honetan jaso nahi direnekin bat egiten dutelako. Txillardegi, bere horretan, gustura eta natural ageri delako, kamerarik ez balego bezala. «KORRIKAk KORRIKArako egina izateak magia-ukitua ematen diolako», diote arduradunek. 14. Korrika hark Ni ere bai leloa zabaldu zuenak, euskara ikasteko urratsa egindako jendea omendu nahi izan zuen. Oraingoan, KORRIKA urrunago doa, Klika leloaz eskatu nahi baitu euskara erabiltzeko, euskaraz ahalduntzeko, euskararekin inplikatzeko, eta, noski, ez dakienak euskara ikasteko. Horregatik guztiagatik omenduko du Txillardegi: euskaldun berri zahar hura (berak zioen bezala) erabakigarria izan da euskararen historiako azkeneko mende erdian. Elkarrizketa hura oinarri, bestelako artxibo ugari eta protagonista zenbait tarteko, (Bernardo Atxaga, Harkaitz Cano, Joxe Azurmendi, miren Azkarate, Ibon Sarasola eta Laura mintegi, esaterako), baina Txillardegi beraren ahotsa ardatz: hara hor Txillardegiren Klika dokumentalaren osagarriak".Antolatzailea: Korrika Batzordea.