Beherantz segitzen du langabezia tasak Usurbilen. Bi hilabeteko tartean 33 langabetu gutxiago zenbatu dira Usurbilen. Otsailean 247 langabetu zenbatu zituen Estatuko Enplegu Zerbitzuak udalerri honetan; apirilean 214. Azken hilabete honetan, Buruntzaldean eta Gipuzkoan ere murriztu egin da langabetu kopurua.

"Gure borroka ez da hemen amaitu", argi utzi dute Ingemarreko langileek, Atalluko plantako kaleratzeen eta itxieraren aurka ostiral arrratsalde honetan herrian barrena egin den manifestazioaren amaierako agerraldian. Auzitegi Nazionalera joko dute, aurkeztu zaien erregulazio-espedientea iruzurra delakoan. Enpresa bidegarria dela gogorarazi dute berriz.