Zuzendaritzako kideak, entrenatzaileak eta maila ezberdinetan Usurbil F.T.-k dituen taldeetako jokalariak batu dira Harane futbol zelaian, Usurbil F.T.-ren 2019-20 denboraldiko talde argazkia ateratzera. Argazki orokorraz gain, taldekako irudiak atera dituzte. Larunbat eguerdiko hitzordua, hamaiketako gozo baten bueltan borobildu dute.
Gabonetako Futbol Txapelketa
2019-20 denboraldiko urteko azken futbol neurketak asteburu honetan jokatuko dira. Baina izango da mugimendurik Haranen urte bukaeran. Gabonetako Futbol Txapelketa antolatu du Usurbil F.T.-k abenduaren 29an, 2009an jaiotako futbolarientzat. Goizeko 10:00etan hasita, Allerru KE, Antiguoko KE, Billabona FKE, Lazkao KE, Orioko FT, Usurbil FT eta Urnieta KE taldeek parte hartuko dute Haranen ospatuko den futbol jaialdian.
Usurbil F.T.