Urriaren 24an LIBURUTEGIEN EGUNA ospatzen da (lasai, ateak berdin berdin zabalduko ditugu, Liburutegiko langileei ez digute jai egunik emango eta!), eta horren aitzakian, urtero bezala, zenbait ekintza prestatu dugu Usurbilgo Sutegi Udal Liburutegian. Ikus jarraian egitaraua:
1. Urriaren 23an, arratsaldeko 6etan, 6 urtetik gorako neska-mutilentzat, Miriam Mendoza ipuin-kontari.
2. Urriaren 30ean, arratsaldeko 7etan, IV Euskarazko Literatura-topaketa. Gidaria, oraingo honetan ere, Pako Aristi, eta komentatuko duguna, Garbiñe Ubedaren Hobe isilik liburua.
3. Urrian zehar, Udarregi ikastolako DBHko ikasleak bisitan etorriko zaizkigu, liburutegiaren funtzionamendua, zerbitzuak, errekurtso berriak (bloga, sare sozialak..), e.a. bertatik bertara ezagutzeko.
Ongi etorri Liburutegira!