Lurrak gogotik entzun du Agate Deunaren bezpera honetako deiadarra. Zenbaezina izan da, astelehen arratsalde honetan entzun dugun makil kolpeen kopurua. Agate Deunaren bezpera eguna dugu gaur, eta usadio zaharra berritu dute Udarregi Ikastolako HH, LH eta DBH-ko ikasle eta irakasleek. Kantuan itzulia eman diote herriari.
Neguko oporraldiari ongi etorria emateko, gabonetako abestien harira, herrian barrena egin ohi duten kantu-jira errepikatu dute gaurkoan ere. Antzeko ibilbideak osatu dituzte Kaxkoan eta Kalezarretik. Amaiera bateratua eskaini dute gero, guraso eta senideek goraino bete duten frontoian.
Aipatzekoa, LH-koak gaurko kantu itzulirako, ikastolako irakasleei edota herriari zuzenduta sortu dituzten bertsoak.
Ondoko irudiotan, Udarregi Ikastolak Agate Deunaren bezpera honetan ospatu duen kantu-jira berezia:
