400 bat gimnasta arituko dira kiroldegiko tapizean. Aparaturik gabe arituko dira txikienak eta zaharragoak uztaiekin, mazoekin, pilotarekin eta zintarekin arituko dira. Lehenengo deialdia maiatzaren 11n izango da, arratsaldeko 16:40tan ekingo diote eta 18:15etarako amaitzea espero da. Hurrengo egunean, maiatzaren 12an, igandez, 9:35etan jarraituko du topaketak eta azken txanda egingo dute 12:00etan. Azken bi txanden artean 50 minutuko atsedena egingo dute epaimahaikideek eta gimnastek indarrak hartzeko. 13:40 alderako amaituko da topaketa.
Tximeleta Taldeak urtero antolatzen du gimnasia erritmikoko erakustaldia ekainean. Aurten maiatzaren 11 eta 12an izango da topaketa Tximeleta Taldea osatzen duten herri guztietako neska-mutilak biltzen dituen txapelketa. Oiartzun, Donostia, Pasaia eta Usurbilgo gimnastek , besteak beste, urtean zehar eginiko lana erakutsiko dute bi egunez.