Txupinazoa nork jaurtitzea nahi zenuke?
Bidali proposamenak maiatzaren 17a baino lehen, kultura@usurbil.eus helbidera edo Artzabalen, Sutegi udal liburutegian, Oiardo Kiroldegian eta Udalean egongo diren kaxetan utzi. Maiatzaren 22an egingo den Jai Batzordearen bilera irekian (18:00etan Potxoenean) erabakiko da nork edo nortzuk emango dieten hasiera 2019ko herriko festei.
43. Bertsopaper Lehiaketa
-16 urtetik gorako usurbildarrentzat.
-Lanak (originala eta hiru kopia) ekainaren 21a baino lehen aurkeztu, egilea nor den adierazi dezakeen daturik gabe. Lanarekin batera kartazal itxi batean parte hartzailearen datu pertsonalak aurkeztu. Guztia helbide honetan: Usurbilgo Udala (XLII. Bertsopaper Lehiaketa) Joxe Martin Sagardia plaza. Usurbil 20170
-Lanek 6-10 bertso artekoak izan beharko dute, inoiz argitaratu gabeak.
-Sariak: lehen saria 200 euro eta oroigarria; bigarrena, 150 euro.
-Oharra: epaimahaiarentzat aurkeztutako lanek behar duten kalitaterik ez badute, sariak eman gabe gera daitezke.
Antolatzaileak: Bota Punttuba eta Usurbilgo Udala.
Egitaraua diseinatzeko lehiaketa
-Lehiaketa publikoa eta irekia norbanako nahiz taldeentzat.
-Nahi adina lan eta neurri librean aurkeztu ahalko dira; guztiak originalak, aurrez argitaratu gabeak.
-Diseinu lanerako egitarauko testua Potxoenean jaso edo emailez eskatu kultura@usurbil.eus helbidean, testu horretan oinarritu diseinu lana. Eta udalaren logoa jaso beharko du.
-Lanak pdf formatuan euskarri digitalean (CD edo pendrive batean) eta paperean aurkeztu. Proposamen bakoitzeko bi kartazal aurkeztu, kanpoan egilearen izengoitiarekin, kartazalaren letrarekin eta “Santixabel egitarau lehiaketa” izenburuarekin. Barruan, A kartazalean parte hartzailearen datuak (izen-abizenak edo elkartearen izena, IFK/IZK, helbidea, telefonoa, helbide elektronikoa…). B kartazalean diseinu lana, euskarri digital eta paperekoan izengoitiarekin.
-Maiatzaren 17a baino lehen aurkeztu Usurbilgo Udaleko erregistroan edo postaz bidali helbide honetara: Usurbilgo Udala, Kultura Saila / Joxe Martin Sagardia plaza z.g. 20170 Usurbil. Posta-bulegoan lana bidaltzen deneko data justifikatu eta egun berean emaila helarazi kultura@usurbil.eus helbidera.
-Epaimahaia Jai Batzordeko bi kideek, diseinu arloan ezagutza duten bi kideek eta kultura zinegotziak osatuko dute. Maiatzaren 20an hartuko dute erabakia.
-Aurkeztutako lanetan hizkuntza eta irudien erabilera ez sexista bermatu behar da.
-Informazio gehiago: 943 371 999 /kultura@usurbil.eus