"Elikagaien etiketak irakurtzen ikastea" hitzaldia 17:00etan Udarregi Ikastolan

Noaua Aldizkaria 2019ko mai. 22a, 08:00

Alazne Agirrezabalaga dietista-nutrizionistak gidatuko du Hitz Aho Udarregi Ikastolako Guraso Elkarteak, asteazken honetan (maiatzak 22) 17:00etan ikastolan bertan antolatu duen hitzaldia. 

Ikastola Egunaren atarian da Udarregi. Ekainaren 15ean ospatuko dute Ikastola Egun handia, larunbatez. Aurretik ospatuko diren ekitaldien artean, lehen hitzordua maiatzaren 30erako finkatu dute. Udarregi ikastola, Irakaskuntza Kooperatiba Elkartearen urteko ohiko batzar orokorra deitu dute 18:00etan Sutegi aretoan. Bigarren deialdia 18:30etarako finkatu dute.

Hemen jorratuko duten gai zerrenda:

  1. 2018ko Ohiko Batzarraren akta irakurtzea.
  2. 2016-2020 Plan Estrategikoaren hedapen- jarduerak azaltzea:
    1. Politika eta Estrategia
    2. Hezkuntza
    3. Parte hartzea eta Komunikazioa
    4. Langileriaren prestakuntza
    5. Instalazioak eta zerbitzuak
    6. Administrazioa eta Ekonomia
  3. 2018ko kudeaketa sozialaren eta Balantzearen onarpena, horrela badagokio; eta emaitzaren aplikazioa.
  4. 2019ko Aurrekontuaren onarpena hala badagokio.
  5. Estatutu Sozialen aldaketa, horrela badagokio.
  6. Artezkaritza Kontseilua eta Zaintza Batzordea berritzea
  7. Akta izenpetzeko bi bazkide hautatzea
  8. Galde-erantzunak

Lekeitioko ikastola laguntzeko deia
Giro euritsuak maiatzaren 19an Lekeition, bertako Azkue Ikastola laguntzeko ospaturiko Ibilaldia kaltetu zuen. Galera ekonomikoak izango direla aurreikusten dute antolatzaileek. Bertako ikastola laguntzeko deialdiarekin bat egin du Udarregik ere. Lekeitioko ikastolak honako kontu zenbakiok zabaldu ditu, diru ekarpen solidarioak egiteko:
LABORAL KUTXA ES83 3035 0042 92 0420028507
KUTXABANK ES86 2095 0114 60 9117934827

Jangela eta zaintza zerbitzua ekainean
HH eta LHko ikasleek klaseak soilik goizez izango dituzte ekainaren 3tik 21era, DBHkoek lanaldi jarraia ekainaren 14ra arte, hilaren 17tik 21era 12:30etan bukatuko dituzte klaseak. "Egun horietan, jangelako erabiltzaileak 13:30 eta 14:30 bitartean jasotzeko aukera izango duzue", ohartarazi dute ikastolatik. Zerbitzua erabiltzeko moduan inolako aldaketarik egin asmo duenak, maiatzaren 24a baino lehen jakinarazi dezala ikastolako idazkaritzan. "Norbaitek aldaketa horien berri ematen ez badu eta jangelako zerbitzuan alta emanda badago, kobratu egingo zaio".

Bestalde, ekainaren 3tik 21era, zaintza-zerbitzua eskainiko da Agerialden, 14:30-16:30 artean. Izen ematea hilaren 28a baino lehen bideratu beharko da idazkaritzan. Argibide gehiagorako; 943 361 216.