Usurbilgo Udalak aditzera eman duenez, margolanarekin batera “zorua berritu da eta argiztatze berria jarri da sabaian”. Egungo zolaren gainean metakrilatozko zoladura iragazgaitz bat ipini da. Honek mantentze lanak egitea erraztuko die udal langileei. Argiztatze sistema berriak gauez bertatik erosoago pasatzea ahalbidetuko du.
Irantzu Lekue gasteiztar artistak edertu du pasabidea
Kale Nagusiko pasabide honen gaikaldean Jose Luis Zumetaren txoriak daude, zintzilik. Irantzu Lekuek, bere lan artistikoa burutzeko orduan, Zumetak erabilitako koloreak eta formak hartu ditu abiapuntu.