Mahai inguran, autodefentsa gaitzat hartuta, autodefentsa zer den, zertarako balio duen, nola landu eta tresna horretaz nola baliatu hausnartu dute Dema Plazara hurbildutakoek. Gazte, heldu zein adinekoak bildu dira esperientziak partekatu eta elkar elikatzeko asmoz. Dinamika ugari jarri dituzte mahai gainean, gai landu eta emakume bakoitzak partekatu beharrekoa modu eroso batean elkarbanatzeko. "Zuen biolentziari guk autodefentsa feminista" lelopean landu dute gaia, eta gogoan hartu beharrekoa: eguneroko borrokan lortzen dira aldaketak.
