Hamaika arrazoi eta aldarri gehiago grebarako

-Erretiroa 65 urterekin eta erretiro aurreratua 61 urterekin, 30 urte kotizatuta izanez gero.
-Erretiro adina jaisteko aukera sektore berrietara hedatzea, bereziki nekagarri eta arriskutsuak direnetara.
-Pentsioa kalkulatzeko 15 urte hartzea kontuan.
-Pentsioen eros-ahalmena bermatzea, KPIaren pareko igoera gutxienez.
-1.080 euroko gutxieneko pentsioa.
-Pentsio sistemaren finantziazioa bermatzea, kotizazio sozial eta zergen bidez.
-Lanaldi partzialeko kontratuetan kotizazioak zenbatzerakoan zigorrik ez aplikatzea.  Lan egun bakoitza, kotizatutako egun bat izatea.
-Hitzarmen kolektiboetan ultraktibitate mugagabea.
-Herrialdeko hitzarmenen aplikazioa estatu mailako hitzarmenen gainetik lehenestea.
-Beheko esparruko hitzarmen batek goragoko esparruko beste baten baldintzak okertzeko aukerarik ez izatea.
-Lan-eskubideetan egindako murrizketak atzera botatzea.
-Gizon eta emakumeen arteko soldata-arrakala eta pentsio-arrakala amaitzea.
-Hileko 1.200 euroko gutxieneko soldata.
-Enplegu egonkorra sustatzea eta kontratazioan emandako iruzurra zigortzea.
-Lanaldia 35 ordura jaistea, soldata gutxitu gabe.
-Bereziki emakumeei ezartzen zaizkien lanaldi partzial inposatuak ezabatzea.
-Azpikontratatutako enpleguan subrogaziorako eskubidea bermatzea.
-Zerbitzu publikoak garatzea, ezarritako murrizketak atzera botatzearekin batera.
-Kontratazioan sexuaren, jatorriaren, ideologiaren, sexu-identitatearen, aniztasun funtzionalaren edo ekonomia-jardueraren araberako diskriminaziorik egingo ez dela bermatzea.
-Kontratazioan prekarizazio-formula oro kentzea (etxeko langileen erregimen berezia, autonomo faltsuak, uberizazioa…).
-Klausula sozialak ezartzea administrazioko azpikontratetan.
-Lanera bizirik itzultzeko eskubidea. Lan Ikuskaritzako plantillak handitzea, Europar Batasunakoekin parekatu arte, eta lan-istripuen eta laneko gaixotasunaren aurkako ekintza plan zorrotz bat ezartzea.
-Etxeko eta zaintza lanak duintzea eta gainerako enpleguetan dauden eskubide berberak aitortzea.
-Menpekotasun egoeran dauden pertsona guztiei laguntza-zerbitzu publiko, unibertsal eta doakoa legez bermatzea.
-Diru Sarrerak Bermatzeko Errenta eta Errenta Bermatua %100ean parekatzea Lanbide Arteko Gutxieneko Soldatarekin, eta azken hori %50eko igotzea bi pertsonak osatutako ohiko unitateetan, eta beste %50 igotzea 3 pertsona edo gehiagoko unitateetan.
-Alokairu sozialeko etxebizitza bat eskuratzeko eskubidea legez bermatzea, EHko Eskubide Sozialen Kartaren Herri Ekimen Legegileak ezarritako baldintzetan.
-Euskal Herriko langileek eskubidea izatea pentsio sistema publikoa eta pentsio duinak bermatzeko modurik onena erabakitzeko.
-Lan-harremanetarako gure eredu propioa eta negoziazio kolektiboko marko propioa erabakitzeko eskubidea, kanpoko esku-hartzerik gabe.
-EAEko eta Nafarroako instituzioei dei egiten diegu euren erantzukizunak onartu eta bide horretan aurrera egiteko neurriak har ditzaten, gisa honetako ekimenekin:
1-Gutxieneko pentsioa legez 1.080 euro arte osatzea, Eusko Jaurlaritzaren eta Nafarroako Gobernuaren aurrekontuen bidez.
2-Enplegu publikoari dagokionean (zuzenekoa nahiz azpikontratatua): 1.200 euroko gutxieneko soldata 35 orduko gehienezko lanaldia ezartzea; gutxienez herrialdeko hitzarmen sektoriala aplikatzen dela bermatzea, baita beste klausula sozial batzuk ere.
3-Diru Sarrerak Bermatzeko Errentaren inguruan eta etxebizitza eskubidearen alde Eskubide Sozialen Kartak sustatutako Heri Ekimen Legegilea onartzea.
4-Lan arloan ematen den soldata arrakalaren, diskriminazioaren eta indarkeria matxistaren aurkako Lege bat onartzea.

Halaber, EAEko eta Nafarroako patronalei eskatzen diegu lan-baldintzak prekarizatzeari utzi eta idatzi honetan jasotako aldarrikapen laboralei erantzuteko.