Eusko Legebiltzarrerako hauteskundeak 2020

Datorren hauteskunde kanpainako ekitaldien guneak finkatu ditu Hauteskunde Batzordeak

Noaua Aldizkaria 2020ko ots. 26a, 08:00

Usurbil Donostiako Eskualdeko Hauteskunde Batzordean da, eta aipatu batzorde honek finkatu ditu eragile politikoek non ospatu ahalko dituzten herritarren bozka eskatzeko ekitaldiak, martxoaren 20tik apirilaren 3ra luzatuko den bi asteko kanpainan. 

Usurbilekin batera, Aduna, Astigarraga, Donostia, Errenteria, Hernani, Hondarribia, Irun, Lasarte-Oria, Lezo, Oiartzun, Orio, Pasaia eta Urnieta biltzen ditu Donostiako Eskualdeko Hauteskunde Batzordeak. Aipatu moduan, Eusko Legebiltzarra berritzeko apirilaren 5ean ospatuko diren hauteskundeei begirako kanpainan alderdi politikoek ekitaldiak non ospatu ahalko dituzten zehazten duen erabakia argitaratu du Donostiako Eskualdeko Hauteskunde Batzordeak, asteazken honetako (otsailak 26) Gipuzkoako Aldizkari Ofizialak

Usurbili dagokionean, Sutegi, Santuenea Elkarteko egoitza, Aginagako udal lokala eta Artzabal baliatu ahalko dituzte, baita Usurbil, Aginaga eta Zubietako frontoiak, edota Askatasuna plaza. 

Posta bidezko bozka
Martxoaren 26ra arteko tartea zabaldu da posta bidez bozkatzea eskatzeko Araba, Bizkaia nahiz Gipuzkoako udalerriren batean erroldatuak daudenen kasuan. Martxoaren 7ra arte aterrizan bizi direnen kasuan. Eskaria norberak egin behar du, gaixo ez bada behintzat. Kasu honetan, eta beharrezko baimendutako ziurtagiriarekin bere izenean beste pertsona batek egin ahalko du eskaera.

Tramitazioa egoki egiten dutenek, martxoaren 16tik 29ra jasoko dute posta bidez bozkatu ahal izateko beharrezko dokumentazio guztia. Eta dokumentazioa jaso ahala itzuli ahalko dira Correoseko bulegora posta bidez bozkatzera.

9 hautesleku
Ez dago aldaketarik. Aurreko deialdien ildotik, apirilaren 5eko Eusko Legebiltzarrerako hauteskundeen egunerako sekzio, Hauteskunde-Mahai eta Hauteslekuen behin-behineko zerrenda argitaratu zuen Hauteskunde Erroldako Bulegoaren Gipuzkoako Lurralde Ordezkari­tzak otsailaren 17ko Gipuzkoako Aldizkari Ofizialean.

Guztira 9 hauteskunde mahai osatuko dira inguruotan: haietako hiru Udarregi Ikastolan, bi Kalezarko Haur Eskolan, mahai bana Santuenea Auzo Elkarteko egoitzan eta Aginagako eskolan, eta beste bi Zubietan.

Zubietan bi mahai eratuko dira, dakizuenez, Usurbil eta Donostia aldeko lurretan bizi diren herritarrentzako, mahai bana. Usurbil aldean bizi diren zubietarrek Lanbide Eskolan bozkatu beharko dute, eskola publikoan aldiz Donostia aldean bizi direnek. 

Udalerria

 

Barrutia

Saila

Azpisaila

Mahaia

Letrak

Hauteslekua

 

Hauteslekuaren Helbidea

USURBIL

1

1

 

A

AI

UDARREGI IKASTOLA

GERNIKA IBILBIDEA 11

USURBIL

1

1

 

B

JZ

UDARREGI IKASTOLA

GERNIKA IBILBIDEA  11

USURBIL

1

2

1

A

AZ

KULTUR ELKARTEA

SANTU-ENEA AUZOA 12 (URDAIAGA)

USURBIL

1

2

2

B

AZ

HERRI IKASTETXEA

ERRIBERAKO KALEA  7 (AGINAGA)

USURBIL

1

3

1

A

AI

HAUR ESKOLA

KALEZAR 

USURBIL

1

3

1

B

JZ

HAUR ESKOLA

KALEZAR 

USURBIL

1

3

2

C

AZ

LANBIDE-ESKOLA

ZUBIETA 9

USURBIL

1

4

 

U

AZ

UDARREGI IKASTOLA

GERNIKA IBILBIDEA  11

DONOSTIA

6

12

2

B

AZ

ZUBIETA IKASTETXE PUBLIKOA

LEARRITZA 52 (ZUBIETA)



#A5 Hauteskundeak
-Otsailak 11: Eusko Legebiltzarra desegin eta hauteskundeak deitzeko dekretua argitaratu du Euskal Herriko Agintaritzaren Aldizkariak.
-Otsailak 11-martxoak 26: posta bidez bozkatzea eskatzeko epea (atzerrian bizi direnek martxoaren 7ra arte).
-Otsailak 26-martxoak 2: hautagai zerrenden aurkezpena hauteskunde batzordeetan.
-Martxoak 7-11: hauteslekuetako mahaiak osatzeko kideen zozketak.
-Martxoak 10: hautagai zerrenden argitaratzea.
-Martxoak 16-29: posta bidez bozkatzea eskatu dutenek beharrezko dokumentazioa jasoko dute.
-Martxoak 20-apirilak 3: hauteskunde kanpaina.
-Apirilak 4: hausnarketa eguna.
-Apirilak 5: hauteskunde eguna.