Covid19-ak bizimodua aldatu digu. Egunerokoan, hartuemanetarako, lanerako nahiz ikasteko ezinbesteko komunikazio bideak bilakatu zaizkigu teknologia berriak. Aurrez aurreko zerbitzuak telematikoan bilakatu dira azken hilabeteotan.
Eskaintzen duen zerbitzua egokitu dutenen artean da KzGunea ere. Aurrezko aurreko formakuntza saioak eten arren, "KzGuneak herritar guztien formakuntzaren aldeko apustua egiten jarraitzen du". Egoera berri honetan telematikoki saioak eskaintzen segi asmo du, "zuzeneko prestakuntza, bideokonferentziaren bidez, hezitzaileen aldetik, eta 4 pertsonatik 6ra bitarteko talde txikiekin".
Interesdunek inprimakia bete beharko dute. "Horren bidez, beren informazio pertsonala eta harremanetarako informazioa eman beharko dute, baita euren ordutegi eta lehentasunezko hizkuntzaren inguruko informazioa ere, zein ikastaro egin nahi duten zehaztearekin batera".
Izen emateko inprimakia osatu eta bidali ostean, "KZgunean talde horiek osatzeaz arduratuko gara, ordutegi eta lehentasunezko hizkuntza kontuan hartuta, eta ikastaroaren hasierari buruzko informazioa emango dugu".
Informazio gehiagorako:
kzc@kzgunea.net
945 016 100
kzgunea.eus
ESKURAGARRI DAUDEN IKASTAROAK
- Musika aplikazioak zure Smartphonean
- Enplegua bilatzeko aplikazioak
- Zibersegurtasuna eta pribatutasuna sarean
- Erosketa eta ordainketa segurua Interneten
- Editatu bideoak zure Smartphonearekin
- Facebook zure Smartphonean
- Gmail. Posta-elektronikoa baino gehiago
- Google Calendar. Zure denboraren kudeaketa hobetu
- Google Drive. Bildu eta partekatu zure artxiboak
- Google Argazkiak. Antolatu hodeian zure argazki guztiak
- Google Maps. Zure ibilbiderik onena arakatu eta aukeratu
- Informatika hodeian. Ezagutu zer den hodeia
- Instagram. Partekatu zure argazki eta bideo onenak
- LibreOffice Calc. Zure kalkulu orriak sortu
- LibreOffice Impress. Zure aurkezpenak sortu
- LibreOffice Writer. Zure testu dokumentuak sortu
- Mekanografia. Ikasi hutsetik
- Zure bidaia planifikatu
- Online izapideak Osakidetzarekin
- Twitter zure Smartphonean
- WhatsApp. Bat-bateko mezularitza zure Smartphonean
- YouTube. Bideoak ikustea baino gehiago