Bideoarekin batera, mezu hau helarazi dute jai batzordeetako ordezkariek: "Aurten COVID-19ak eragindako krisia medio, ezingo ditugu Santixabelak ospatu. Baina baikortasuna eta imaginazioa ardatz harturik, bide berriak jorratuko ditugu. Herriaren laguntzaz. Jai Batzordetik Usurbilgo Kultur Bira dinamika prestatzeari ekin diogu. Osasun neurriak oinarri dituen protokoloa erdigunean ipini dugu. Herriko auzoen elkarlanean oinarriturik, gure kulturaren auspotzea helburu duen egitaraua sortzen hasi gara. Itxialdian gure sustengua izan den euskal kulturgintzak eman diguna itzultzeko unea iritsi da. Heritik eta herriarentzat".
Usurbilgo Jai Batzordearen ikurraz gain, Santuenea, Atxegalde eta San Estebango jai batzordeen logoak ageri dira bideoaren amaieran.