Astelehen iluntzeaz geroztik abisu horian gara haizeagatik, eta badirudi bolada gogorragoak izango ditugula datozen orduotan. Abisu horitik alerta laranjara igaroko garela berri eman du Euskalmet meteorologia agentziak. 21:00ak arte abisu horian segiko dugu. Haizeguneak ez diren tokietan, arratsaldean zehar "haizea indartu egingo da eta haize-boladek 80-90 km/h-ko abiadura gaindi dezakete ekialdean eta 60-80 km/h-koa mendebaldean".
Haizea gauerditik aurrera bizien
Astearte gaueko 21:00etan hasi goizaldeko 3:00ak arte izango du Segurtasun Sailak kolore laranjako alerta indarrean. Haizeguneetan, "hego-osagaiko haize-boladek 110-120 km/h-ko abiadura gaindi dezakete mendi inguruetan, eta 80-100 km/h-koa kostaldean". Haizeguneak ez diren tokietan "hego-osagaiko haize-boladek 90-100 km/h-ko abiadura gaindi dezakete barnealdeko haizeguneak ez diren tokietan".
Goizaldean haize bolada are bortitzagoak izan ditzakegu. Euskalmet-en arabera, gauerdian hasi eta goizaldeko 3:00ak arte, haizeguneetan "hego-osagaiko haize-boladek 110-120 km/h-ko abiadura gaindi dezakete mendi inguruetan eta 80-100 km/h-koa kostaldean". Haizeguneak ez diren lekuetan, "hego-osagaiko haize-boladek 90-100 km/h-ko abiadura gaindi dezakete barnealdeko haizeguneak ez diren tokietan".
Abisu horian gero
Goizaldeko 3:00etan hasi eta 9:00ak arte, alerta laranjatik abisu horira itzuliko gara. Haizeguneetan, "haizea bizkor ahulduko da. Hego-osagaiko haize-boladak 100 km/h ingurukoak izan daitezke ekialdean eta 70-80 km/h ingurukoak mendebaldean". Haizeguneak ez diren tokietan, "hego-osagaiko haize-boladak 80 km/h ingurukoak izan daitezke".
Giro honekin, astearte honetan (urriak 20) Usurbilen, "goibel egongo da, noizbehinka euria egin dezake. Arratsaldetik aurrrera hodeiak gutxituz joango dira. Hego-haizea gogor ibiliko da, batez ere arratsaldetik aurrera. Tenperatura maximoak gutxi jaitsiko dira". Bihar, "eguzkitsu egongo da, tarteka hodeitsu. Goizaldean hego-haizea oso indartsu ibiliko da; orduak pasa ahala indarra galduz joango da. Tenperatura minimoetan aldaketarik ez, maximoak gutxi edo nahikoa igoko dira".
Informazio eguneratua hemen: euskalmet.eus