ARIES
Aurten ez dugu izango ez Artisau ezta Erle azokarik ere, eta penatuta zabiltza. Hileko aholkua: San Ferminetan esaten duten bezala: egun bat gutxiago geratzen da datorren urtekoa ospatzeko!
TAURUS
Ordu aldaketak zeharo nahastuta utzi zaitu eta dagoeneko ez dakizu goiz edo berandu zabiltzan. Hileko aholkua: Etxeko ordulari guztiak ongi errebisatu!
GEMINI
Katarroa hartzeko aukera duzu eta lotsa pasako duzu publikoan eztula egiten duzun bakoitzean, jendeak gaizki begiratzen dizulako. Hileko gomendioa: Eztula disimulatzeko puzkerra bota eta arazorik ez!
CANCER
Musukoak dagoeneko zure gorputzeko beste zati bat bihurtu dira, eta ia ez dituzu lotarako ere kentzen. Hileko aholkua: Zure irribarrea ikusi nahi dugu berriro!
LEO
Sei pertsona baino gehiagoko bilerak ezin direla egin eta kezkatuta zaude, bazkari bat egin nahi duzulako lagunekin. Hileko aholkua: Baina ba al dituzu sei lagun?
VIRGO
Euskaraldia datorrela eta ilusioz beteta zaude, ariketa duela bi urte baino finago egin nahi duzulako. Hileko aholkua: Ez, ezin duzu Ahobizi eta Belarriprest bezala batera izena eman!
LIBRA
Triste xamar zaude alarma egoeran gaudelako berriro. Pizgarri bat behar duzu hilabete honetan. Hileko aholkua: Zatoz Noaua!ko kulturaldira, bertan aurkituko duzu eta bizipoza!
SCORPIUS
Aurtengo urtebetetze ospakizuna alarma egoeran ospatuko duzu, beraz, baliatu ezazu zerbait berezia egiteko. Hileko aholkua: Badakizu behintzat goiz etxeratuko zarela...
SAGITARIUS
Musukoaz kokoteraino zaude, baina erabili behar ez baduzu, beste segurtasun neurri batzuk hartzea komeniko zaizu. Hileko aholkua: Ezta okurritu ere gel hidroalkoholikoa edatea!
CAPRICORNIUS
Garai zailak dira maitasunarentzat, baina zure azukre koxkorrarekin egoteko ahal duzun guztia egingo duzu. Hileko aholkua: Hasi herrian zehar zirri-tokiak aurkitzen!
AQUARIUS
Kontuz ibili beharko duzu datozen asteetan, dagoeneko dendetan turroiak eta polboroiak atera baitituzte. Hileko aholkua: Produktu hauen ondotik pasatzen zarenean, jarri musukoa begietan.
PISCIS
Tabernak eta terrazak zure gotorleku bilakatu dira, bertan sentitzen zarelako erosoen. Hileko aholkua: Noizean behin atera zaitez zure konfort gunetik!