Antolatzailea: Noaua! Kultur Elkartea
Nori zuzendua: gazte eta helduei
Sarrerak: aldez aurretik salgai 6€-tan usurbilkultura.eus plataforman. Bazkideek 4 €-tan eskuratu ahal izango dute sarrera bat NOAUA!ren egoitzan.
Film honetan Orbaitzetako gaztearen atxiloketa eta desagerpenaren kontaketa egiten da. 2020an, bere hilketaren 35. urteurrenean estreinatu zuten Donostiako Zinemaldian.
Ahotsa.info-k ekoiztutako dokumentalak 1985ean Mikel Zabalza nafar gaztea desagertu zeneko kontakizuna egiten du. Guardia Zibilak ETAko militante zelakoan atxilotu zuen. 20 egunez ez zen haren inguruko berri argirik izan. Bertsio ofizialarekiko mesfidati jokatu zuen euskal gizarteak. Hala, gaztearen gorpua Bidasoa ibaian agertu zenean, protesta ugari eta eztanda soziala gertatu zen. Zabalza torturatuta hil zela uste zuen jendeak oro har, baina inoiz ez zuten inor ez epaitu ez zigortu. 2020ko azaroan 35 urte bete dira Zabalza hil zenetik, eta bere familiak egia jakin nahian jarraitzen du.
Amaia Merino (Donostia, 1970) idazle eta zuzendariak eta Miguel Ángel Llamas (Noain, Nafarroa. 1980) zinemagileek elkarrekin zuzendu dute filma.