Proiektua ez da berria. Buruntzaldeko udalek duela 11 urte ekin zioten egitasmo honi. Laster, gutun bat bidaliko zaie udaletik 18 urte betetzen dituzten herritarrei: gidabaimena euskaraz ateratzeak dituen abantailen berri emango zaie, eta hala egitera animatu. Izan ere, gazte askok uda partea aprobetxatzen dute gidabaimena ateratzeko: “Beren ikasketak euskaraz egin dituzten gazteak dira, eta ezinbestekoa da helduarorako urrats garrantzitsu eta erakargarri hori euskaraz eman ahal izatea: hortik udalon inplikazioa eta autoeskolen ahalegina”, adierazi dute Buruntzaldeko udaletxeetako ordezkariek.
Gidabaimena euskaraz ateratzeak saria du Buruntzaldean
2021ko ots. 26a, 14:00
2020an, 87 lagunek atera zuten gidabaimena euskaraz Buruntzaldean. Azterketa modu horretara egin zuten guztien artean 9 sari zozkatu berri dituzte. Usurbilen, Mattin Aierbe Zubeldia izan da zorionekoa. 400 euro inguruko saria eskuratuko du eta atal teorikoa ateratzen gastatutako dirua berreskuratzeko balioko dio.