Urtebeteko prozesuaren ondoren, Maitelan Kooperatiba osatu zen 2020ko martxoan. Bi lan lerro ditu: pertsonen arreta eta zaintza batetik, garbiketa zerbitzua bestetik.
2000. urtea urte zaila izan da kooperatibarentzat, “pandemia egoerak ez baitu erraztu kooperatibaren bideragarritasunean”, azaldu zuten atzoko aurkezpen ekitaldian. “Hala ere, proiektuaren aurkezpen ofizial bat egitea beharrezko ikusten genuen, orain arte bidelagun izan ditugunei eskerrak eman eta eskualdean proiektua ezagutarazteko”. Hernanin eginiko aurkezpen ekitaldian Agurtzane Solaberrieta alkateak hartu zuen parte.