Eskaerak non egin?
Aurten, hainbat produktutan kopuru-mugak dituztela eta, hiru bide egongo dira eskaerak egiteko:
- Online: errigora.eus
- Sarean eskaerak egiteko gai ez direnentzat, telefono bidez, 848 87 12 23 telefono zenbakira deituta.
- NOAUAko bulegoan.
Banaketa puntua zehaztu
Eskaera egiterakoan, aukeratu behar da produktuak jasotzeko puntua eta bertan zehaztutako egun eta ordutegian pasa beharko da jasotzera. 200 bat herritan daude banaketa-guneak.
Ordainketak
Ordainketa txartel bidez egiten dutenen kasuan, bi zatitan ordaintzeko aukera izango da (erdia martxoan eta bigarren zatia apirilean). Hala egiten ez duenak, dena batera ordainduko du, eskudirutan, produktuak jasotzean.
Banaketa, apirilean
Banaketa apirilaren bigarren hamabostaldian izango da eta, salbuespenak salbuespen, produktu guztiak aldi berean jasoko dira.