Antolatzailea: Noaua! Kultur Elkartea.
Nori zuzendua: Gazte eta helduei.
Sarrerak: doan. Aurretik izena eman behar da usurbilkultura.eus plataforman lagun-kopurua mugatua delako.
Xehetasunak:
Eguzki-Art Zinema “Ombuaren Itzala” izeneko pelikula egiteko proiektuarekin ari da lanean. Euskal kulturak izan dituen sortzaile handi horiek ekarri nahi ditugu gogora. Kasu honetan gogora ekarriko dugun sortzailea zizurkildar seme kuttuna dugu. Bertsolari-poeta handia izan zen Pello Mari Otaño. Auzolanetik abiatuz, herriaren bultzadaz eta arnasaz lagundurik ekoiztu nahi dugu filma, Euskal Herriko txoko urruneneraino irits dadin Otañoren oihartzuna. Baina film bat gauzatzea ez da merkea, diru asko behar da. Horretarako, eta herrigintzan konfiantza osoa dugunez, auzolana erabiliko dugu diru bilketa hori lortzeko. Proiektuaren nondik norakoak kontatzeko, Patxi Bisquert izango dugu gurekin.