Lehen ihesaldiko 5 txirrindulariak 14:06an igaro dira Usurbildik. Josef Cerny, Mikkel Honoré, Andrey Amador, Ide Schelling eta Julien Bernard. Andreas Leknessund 40 bat segundo beranduago heldu da eta bi minutura iritsi da tropela. Segurtasun arrazoiengatik, ohi baino jende gutxiago batu da errepide bazterrera.
Etenak trafikoan
Euskal Herriko Itzuliaren 5. etapak eragin zuzena izan du trafikoan. Txirrindulariak iritsi aurretik N-634 errepideko sartu-irteera guztiak itxi dituzte. Hala ere, ez da aparteko arazorik izan. Ez lasterketa aurretik, ezta ondoren ere.