Udal diru-laguntza deialdi gehienetara eskabideak aurkezteko epea azken txanpan

Noaua Aldizkaria 2021ko mai. 4a, 09:13

Udal laguntza lerro gehienetarako eskabideak aurkezteko azken eguna izango da maiatzaren 5a. Hemen xehetasunak.

ETXEBIZITZA ALOKAIRUAN HARTZEKO DIRULAGUNTZEN OINARRIAK ETA 2021EKO DEIALDIA
Xedea: "eskatzaileen ohiko bizilekua den etxebizitzaren alokairuren zati bat (2019ko irailaren 1etik 2020ko abenduaren 31ra) ordaintzen laguntzea da; dagoeneko etxebizitza errentan hartuta behar dute, eta horretarako bideratuta dauden gainerako laguntzetarako eskubiderik ez badute (Gaztelagun, Etxebizitzarako Prestazio Osagarria edo Gizarte Larrialdietarako Laguntza)".
Bete beharreko baldintza nagusiak:
-18 urte izatea, edo 16 baino gehiago, emantzipatuta egonez gero.
-Bizikidetza-unitateko pertsona guztiak dirulaguntza jasoko duten etxebizitzan erroldatua egotea.
-Etxebizitza eskatzailearen ohiko eta etengabeko bizilekua izatea.
-Diruz lagunduko den alokairua aurreko urtekoa, 2020koa izango da.
Eskaerak aurkezteko epea: maiatzak 5.

INGURUMENA
Xedea: 2020ko ingurumen arloko egitasmoak laguntzea.
Baldintzak: lehentasuna izango dute pobrezia energetikoko egoerak arintzeko, energia kontsumoa murriztu edota hondakinen sorrera murrizteko egitasmoek.
Eskaerak aurkezteko epea: maiatzak 5.

KIROLA
2021eko gizonezkoen eta emakumezkoen berdintasun jarduera planetako dirulaguntza zuzenak
Eskaerak aurkezteko epea: urriak 31.

2021eko kirol elkarteenak ez diren kirol jardueretarako dirulaguntzak
Eskaerak aurkezteko epea: maiatzak 5.

2021eko kirol egokituko jardueretarako dirulaguntza zuzenak
Eskaerak aurkezteko epea: maiatzak 5.

2021eko kirol taldeen (norgehiagoka erregimenean aritzen direnen) ohiko dirulaguntza zuzenak
Eskaerak aurkezteko epea: maiatzak 5.

2021eko kirol arloko norgehiagoka erregimenekoak ez diren dirulaguntzak; kirol ekintza bereziak, prestakuntza teknikoak, osasun miaketak, Eskola Kiroleko kuoten ordainketa
Eskaerak aurkezteko epea: urriak 30.

KULTURA
Xedea: "norgehiagoka erregimenean, 2021. urtean kultura arloan egitasmoak burutuko dituzten erakunde publiko nahiz pribatuei eta pertsonei, beti ere berdintasun, ingurumen eta euskara arloko legeria kontuan izanik".
Eskaerak aurkezteko epea: maiatzak 5.

EUSKARA
2020/21 ikasturtean euskara ikasi dutenentzako dirulaguntza
Baldintzak: 16 urtetik gorako euskara ikasleak, Usurbilen erroldatuak, %80ko asistentzia izatea.
Eskaerak aurkezteko epea: ekaina aldera.

Behar ekonomiko bereziak dituzten euskara ikasleentzako dirulaguntza
Xedea: "behar ekonomiko bereziak dituzten herritarrei euskaltegiko matrikularen kostua aurreratzeko dirulaguntza da".
Eskaerak aurkezteko epea: ekainak 30.

GAZTERIA
2020/21 ikasturtean aisialdiko begirale edo zuzendari ikastaroak egin dituzten herritarrentzako dirulaguntza
Eskaerak aurkezteko epea: ekaina aldera.

NEKAZARITZA ETA ABELTZAINTZA
Xedea: "erakunde publiko nahiz pribatuei zuzenduta dago eta norgehiagoka erregimenean, 2020. urtean zehar nekazaritza eta abeltzaintza arloan buruturiko egitasmoak diruz laguntzen dira".
Eskaerak aurkezteko epea: maiatzak 5.

ONGIZATEA
Desgaitasuna edota mendekotasuna duten adin txikikoen osasun egoera hobetzeko tratamenduetarako dirulaguntza
Eskaerak aurkezteko epea: maiatzak 5.

Deserrotze edo baztertze sozialeko arriskuan dauden pertsonen senideei erantzuteko dirulaguntzak
Eskaerak aurkezteko epea: maiatzak 5.

Gizarte Zerbitzuen arloan egitasmoak burutzeko dirulaguntzak
Eskaerak aurkezteko epea: maiatzak 5.

Igogailua instalatzeko dirulaguntza
Eskaerak aurkezteko epea: maiatzak 5.

ENPLEGUA
Hasiz Hazi beka deialdia
Xedea: Kabiene elkarlan gunean egonaldia. 
Bete beharreko baldintza nagusiak:
-Beterri-Buruntzako udalerriren batean erroldatua egotea.
-Enpresa proiektu berri bat garatzen aritzea.
Eskaerak aurkezteko epea: irailak 30.

Hutsik dagoen merkataritza lokal batean jarduera ekonomiko berri bat abiarazi nahi duten ekintzaileentzako dirulaguntza
Zenbatekoa: hasierako gastuei aurre egiteko gehienez 5.500 euro proiektuko; alokairu nahiz erosketa gastuei aurre egiteko laguntza 2 urtez. 
Baldintza nagusiak: lehentasuna izango dute zerbitzu berriek edota ixtear izan edo itxi berriak izan diren jarraipeneko proiektuek.
Eskaerak aurkezteko epea: irailak 30.

Dirulaguntza eskaerak
Non: Joxe Martin Sagardia plaza z/g, 20170 Usurbil, 08:00-14:30 artean/ 943 371 951.
Online: usurbil.eus/zerbitzu-telematikoak
Informazio gehiagorako: apirilaren 7ko Gipuzkoako Aldizkari Ofiziala.