Datorren asteko Jakin Jardunaldian matrikulatzeko azken eguna

Noaua Aldizkaria 2021ko uzt. 9a, 08:05

UEU-ren udako 49. ikastaroen baitan, "Krisi ekologiko, klimatiko eta sozialaren erdian: desazkundea beste biderik bada?" izeneko Jakin Jardunaldia antolatu dute uztailaren 15ean eta 16an Udarregi Ikastolan. Matrikulatzeko azken eguna duzue ostiral hau, uztailaren 9a.

Azken urteon ildotik, Usurbilgo Udalaren, UEU-ren eta Jakin Fundazioaren elkarlanaren testuinguruan, Jakin Jardunaldia antolatu dute uztailaren 15 eta 16rako Udarregi Ikastolan; "krisi ekologiko, klimatiko eta sozialaren erdian: desazkundea beste biderik bada?", UEU-ren 49. udako ikastaroen baitan.

Mundu mailako krisialdiaren aurrean, Euskal Herrian ditugun alternatibak ezagutarazi, gaiaz hausnartu eta eztabaidatzeko aukera izango da. Matrikulatzeko azken egunak dituzue honako hauek. Hemen xehetasunak eta jardunaldi honen egitaraua.


Xehetasunak
Ikastaro egunak: uztailak 15, 16.
Tokia: Udarregi Ikastola.
Ordu kopurua: 11.
Xehetasunak: "Mundua krisian dugu. Larrialdi klimatiko, ekologiko eta sozial bete-betean bizi gara. Kolapsatzear, diote aditu askok eta askok, nahiz eta horrela denik ez dugun sentitu. Erregai fosilen agortzea, esate batera, atarian dugu; aldaketa klimatikoaren ondorioz, lur emankorren lehortzea hasi da eta horrekin errefuxiatu klimatikoak; ur eta itsasoen maila goraka dator; bizi dugun pandemia honek naturaren ustiaketa neurrigabearekin, kutsadurarekin eta bioaniztasun galerarekin baduela zerikusirik ari gara ikusten. Zer datorkigu? Aurrerabideak aurrerabide izaten jarraitzen du? Eta zer bide dago ez bada desazkundea? Zer alternatiba ditugu abian Euskal Herrian?".
Matrikulazioa: maiatzak 17-uztailak 9.
Matrikula prezioa: 10 euro.
Oharra: "Covid19 izurrite egoeran ikastetxeek jarraitu beharreko prebentzio-, segurtasun- eta higiene-neurri berriak jarraituko dira gure egoitza eta jardueretan".
Informazio gehiago: ueu.eus
Antolatzaileak: UEU, Usurbilgo Udalak eta Jakin Fundazioa.

EGITARAUA
Uztailak 15, osteguna
09:00-09:30 Harrera eta dokumentazio banaketa.
09:30-10:00 Ongietorria eta sarrera: Kepa Sarasola (UEUko zuzendaria), Agurtzane Solaberrieta (Usurbilgo alkatea), Lorea Agirre (Jakin-eko zuzendaria).
10:00-10:40 Krisi sozio-ekologikoa, ekonomiatik haratago doan gaitz sistemikoa: Unai Pascual (ekonomilaria eta BC3ko ikertzaile eta Nazio Batuen Erakundearen Bioaniztasunerako eta Ekosistema Zerbitzuetarako Plataformako kidea).
10:40-11:10 Ur berdearen garrantzia krisi klimatikoaren aurrean: Ane Zabaleta (hidrologoa eta UPV/EHUko irakaslea).
11:10-11:30 Atsedena.
11:30-12:00 Klima aldaketa eta kostaldeko arriskuak: Elisa Sainz de Murieta (geologoa eta BC3ko ikertzailea).
12:00-12:30 Euskal Herriko ingurune naturalaren etorkizuna: Arturo Elosegi (UPV/EHUko Zientzia eta Teknologia Fakultatean irakasle katedraduna, Landareen Biologia eta Ekologia Sailean).
12:30-13:00 Mahai-ingurua eta galde-erantzunak.
13:00-15:00 Bazkaltzeko tartea.
15:00-15:35 Zer da bizitza erdigunean jartzea? Alternatiba antipatriarkalak arakatzen ekofeminismoetatik: Mirene Begiristain (ekonomilaria, agroekologian eta elikadura burujabetzan aditua eta UPV/EHUko irakaslea).
15:35-16:10 Larrialdi klimatiko, metamorfosi ekologiko eta justizia sozialaren haritik borrokatzen: Sabine Endara eta Xabier Harluxet (Bizi! mugimenduko kideak).
16:10-16:40 Uraren kudeaketa Nafarroan: gatazkak eta proposamenak: Belen Ausejo (Urbizi taldeko kidea).
16:40-17:00 Mahai-ingurua eta galde-erantzunak.

Uztailak 16, ostirala
09:30-10:05 Klima aldaketa, glaziarren ikuspuntutik: Ibai Rico (glaziologoa eta UPV/EHUko irakaslea) eta Eñaut Izaguirre (glaziologoa, UPV/EHUko irakaslea eta BC3ko ikertzailea).
10:05-10:25 Abeltzaintza ustiaketa industrialaren ajeak. Nafarroako kasua: Lorea Flores (biologoa eta Hego Euskal Herriko Greenpeace-ko koordinatzailea).
10:25-10:45 Esperientziak: Goiener; Usurbil, atez ate.
10:45-11:05 Atsedena.
11:05-11:45 Esperientziak: Jauregia Etxaldea, Lurgaia Fundazioa.
11:45-12:30 Mahai-ingurua eta galde-erantzunak.
12:30-13:00 Bukaera ekitaldia.