Etorkizuneko Usurbil marraztuko duten hainbat proiektu hartuko dituzte ahotan udal ordezkariek, ostegunerako, irailaren 30erako deitu duten osoko bilkuran.
Hemen duzue, Usurbilgo Udaletik helarazi berri duten gai-zerrenda. Beterri-Buruntza Mankomunitatea, Zubietako erraustegia, Txirikorda egitasmoa, Zapategiko hirigintza hitzarmena, 2022rako ordenantza fiskalak eta pil-pilean den argindar prezioei lotutako mozioa, ahotan hartuko dituzten hizpide nagusiak izango dira.
OHIKO UDALBATZARRA
Eguna: irailak 30, osteguna.
Ordua: 18:00.
Tokia: udalbatza aretoa.
Deitzailea: Usurbilgo Udala.
Gai-zerrenda:
1.- Aurreko bilkuretako akten onespena:
1.1.- 2021/03/25eko ohiko bilkurako akta.
1.2.- 2021/04/29ko ohiko bilkurako akta.
1.3.- 2021/05/27ko ohiko bilkurako akta.
2.- Alkatetzako dekretu hauen berri ematea: 2021eko uztailaren 12tik irailaren 24ra (2021/613-2021/827).
3.- 2021/828 Dekretua berrestea: “Gipuzkoako Ingurumen Gune Berria” deritzonari lotutako Ingurumen Baimen Bateratuaren aldaketa ez funtsezkoa dela ebazten duen Ingurumen sailburuordearen 2021eko otsailaren 12an emandako erabakia Administrazioarekiko Auzialdiko auzibidean errekurritzea.
4.- 2022rako Ordenantza Fiskalak hasieraz onartzea.
5.- Beterri-Buruntza Mankomunitatearen estatutuen onarpena eta ordezkarien izendapena.
6.- Hiri Antolakumentuko Arau Subsidiarioetako A-59 (Ugartondo) eremuko Barne-Erreformarako Plan Bereziaren Testu Bategineko EQ.1 partzelan zuzkidura-alojamenduak egiteko exekuzio obrak Contrucciones Murias S.A. enpresari esleitzea.
7.- Hiri Antolamenduko Arau Subsidiarioetako A-78 (Zapategi) eremuko hirigintza ezaugarrien Aldaketa Puntuala sustatzeko Michelin España y Portugal, S.A., Gureak Lanean S.A., Balfer Norte S.L. eta Usurbilgo Udalaren artean izenpetu beharreko Higirintza Hitzarmena hasierako izaeraz onartzea.
8.- Mozioa: "Deskonektatu elektriketatik. Haien iruzurraren aurrean, burujabetza energetikoa!".
9.- Galdera eta eskaerak.