Hikodromoan dozenaka herritar bildu dira frontoian arratsaldeko 18:00etan. Bakoitzak lau bat minutu izan ditu parekoarekin hika mintzatzeko, eta aldaketa errazteko, Eli Pagola eta Agin Laburu bertsotan aritu dira, hika jakina, Antton Aranburu eta Gari Otamendiren musika lagun. Ekitalditxo batekin itxi dute hikodromoan egindako ariketa.
Ondoren, Euskararen Eguna agurtzeko, Esti eta Mikel Markezek kontzertua eskaini dute frontoian hainbat pertsonaren aurrean.