'Kuikui' ikuskizun berria Miren Amurizaren ipuin batean oinarritzen da. Irrimarra taldeko Karmele Gorroño eta Irene Irureta arduratu dira ipuina ilustratzeaz. Eta beste behin ere, abestiak dira kontakizunaren osagarri. Xabier Zabalaren 12 abesti jaso dituzte CD batean, horietatik bost argitalpen honetarako propio idatziak.
Pailazoek aditzera eman dutenez, “habia-kutxak oparituko dizkiegu egunerokotasunean txorientzat zein euskararentzat habia goxoak sortzen dituzten taldeei”.
“Kuikui” ikuskizuna Usurbilen
- Abenduak 29 asteazkena.
- Non: Oiardo Kiroldegian.
- Bi saio: 16:00etan lehena, 18:30ean bigarrena.
- Sarrerak: 8 euro, usurbilkultura.eus plataforman salgai. Abenduaren 17an ostirala eguerdiko 14:00etan ipiniko dira salgai.
- Antolatzaileak: NOAUA! Kultur Elkartea eta Usurbilgo Udala.