Giro eguzkitsua izango dugu asteburuan, baina gau bereziki hotzak, tenperatura zero azpikoa izan dezakegu ostiral eta larunbat gauean zehar. Euskalmet meteorologia agentziak iragarri duenez, Usurbilen inguruan bezala, -1 gradu datozen goizaldeetan. Ondorioz, abisu horia ezarri du tenperatura baxuagatik eta izotzagatik ostiral eta larunbat gauerdian hasi eta larunbat nahiz igande goizeko 10:00ak arte. Inguruotan "izotz txikia egin dezake" meteorologia agentziak ohartarazi dutenez.
Giro honekin, Usurbilen, ostiral honetan (urtarrilak 21), "zerua hodeitsu edo oso hodeitsu egongo da. Goizaldean eta goizean goiz han-hemenka prezipitazio txikia egingo du. Ipar/ipar-ekialdeko haize ahul-bizia ibiliko da, bolada gogorrekin. Tenperatura minimoetan aldaketarik ez edo gutxi jaitsiko dira eta maximoak gutxi edo nahikoa jaitsiko dira".
Larunbatean (urtarrilak 22), "goiz-lanbroa. Zerua hodei gutxirekin egongo da; goizaldean eta goizean goiz tarte hodeitsu batzuk izango dira, bereziki mendebaldean. Eki-osagaiko haize ahul-bizia ibiliko da, ipar-ekialdekoa nagusitu, bolada gogor batzuekin. Tenperatura minimoak gutxi edo nahikoa jaitsiko dira, eta maximoetan aldaketarik ez edo gutxi igoko dira. Baliteke lekuren batean izotz txikia egitea".
Igandean (urtarrilak 23), "goiz-lanbroa. Zerua hodei gutxirekin egongo da. Eki-osagaiko haize ahul-bizia ibiliko da, ipar-ekialdekoa nagusituz. Tenperaturan aldaketarik ez edo gutxi igoko da".
Informazio eguneratua hemen: euskalmet.eus