Miriam Arrillaga Master Laboral Kutxako finalean hilaren 19an

Noaua Aldizkaria 2021ko abe. 9a, 17:56

Abenduaren 19an Mungian jokatuko den Master Laboral Kutxako pilota mistoko final handian izango da Miriam Arrillaga aginagarra. 2019an jokatu zen azken aldiz txapelketa, eta orduan garaile izan zen Arrillaga. Txapela defendatuko du Amaia Aldairen aurka jokatuko duen partidan. 

Abenduaren 5ean, EITBren bitartez herritar askok jarraitu zuten Miriam Arrillaga eta Enara Gamindek jokatutako finalerdietako partida. Aginagarra gailendu zen orduan 22-15 eta finalerako txartela eskuratu zuen. Amaia Aldai izango du orain aurrean, eta txapela eskuratu ahal izateko hura gailendu beharko du.