Udako etenaldiaren ostean astelehen honetan itzuliko dira Usurbilgo kantariak ere haien ohiko jardunera. Astelehen honetan helduko diote berriro entsegu saioei eta hilaren 28an irtengo dira berriz plazara kantu jiran. Lerrootan dituzue xehetasunak baita herri mailan antolatu diren beste hamaika ikastaroren berri ere.

50 urte bete berri ditu Munalurran kokatuta dagoen Eguzki elkarteak. Urteurrena ospatzeko, egun osoko festa egin dute kide eta ingurukoek. Goizen jokuak egin dituzte heldu eta gazteek: toka, sokatira... Bazkari jendetsua egin dute ondoren; eguraldi onak lagunduta dozenaka lagunek parte hartu dute. Bazkalostean, haurren gozamenerako puzgarriak jarri dituzte eta buruhandi bat ere ibili da arratsaldea alaitzen.