Jokin Eizagirre herrikideak landutako maskota zintzilikatu dute astelehen goiz honetan Potxoenea atarian. Baina girotze lan gehiago ere bideratu dituzte jaiak ofizialki hastear diren honetan. Izan ere, Dema plaza irudiotan duzuen moduan apaindu dute, aurreko urteen ildo beretik.
Apaingarriak
Maskotarekin batera, Dema plaza ere eder asko apaindua dago, herriko festei harrera egin eta dagokien lekua emateko prest. Girlanda berrerabilgarriekin apaindu dute beste urte batez. Gogoan izan, Udarregi Ikastolako DBH2ko ikasleek ekimen berria jarri zuten martxan duela hiru urte, ikasturtearen hasieran 2022ko Santixabeletarako oihalezko girlandak sortzeko. Urteroko plastikozko girlanda gorriak iraganeko elementu bilakatu, eta birziklatutako materialez egindakoak izango ditu Usurbilek aurrerantzean.
Hondakinak murriztu eta birziklapena sustatzeko Balore Etikoak arloan garatu zuten proiektu hau ikasleek, eta ez hori bakarrik, belaunaldien arteko harremana ere sustatzea izan zuten helburu. Izan ere, Udarregi Ikastolako ikasleez gain, herriko jubilatu taldeek ere parte hartu zuten proiektuan; Gure Pakea Elkarteko kideek, bai eta Santueneako eta Aginagako jubilatu taldeek ere. “Proiektua azaltzera joan ginen hiru lagun eta jubilatuei asko gustatu zitzaien ideia. Laguntzeko prest agertu ziren, eta haiek arduratu dira girlandak behar bezala josteaz”, adierazi zioten duela hiru urte ikasleek NOAUA!ri.
Maindireekin, mahai oihalekin eta bestelako oihalekin osatutako 30 metroko girlandak dira, kolore ezberdinetakoak, jaiotan ere ikusgai izango dituzuenak.
Usurbilgo jaiak
Ekainak 30, astelehena
• 16:30 Pala txapelketa: kirol egokituen erakustaldia.
• 17:00/19:00 Bideo zaharren emanaldiak Sutegin: “1371- 1971. Usurbil villa bezala izaten hasi zenetik 600 urte” eta “Usurbilgo 1991ko Sagardo Eguna”.
Uztailak 1, asteartea
• 06:00 Oilasko-biltzaileen gosaria eta irteera txosnetatik.
• 14:00 Oilasko-biltzaileen itzulera eta bazkaria.
• 16:00 Boleibol ikastaroa Kiroldegian.
• 18:30 Jaixkipe txaranga Oiardotik.
• 19:00 Txupinazoa eta ikurrinaren igoera, Ziortza eta Zumarteren eskutik.
• Ondoren, herri kalejira buruhandi eta erraldoiekin eta Jaixkipe txarangarekin.
• 20:00 Gazte txupinazoa eta txosnen irekiera.
• Jarraian, herriko dantzariak frontoian.
• 22:00 Erromeria frontoian: Laket.
• Ondoren, Bertsio Gaua txosnetan.
Uztailak 2, asteazkena
• 09:00 Esnadeia, txistulariekin.
• 12:00 Sokadantza, Joxe Martin Sagardia plazan.
• Jarraian, lore eta salda banaketa.
• 12:00 Triku taldearekin kalejira.
• 17:00 LII. Esku pilota txapelketako finalak.
• 18:00 Diskofesta Gaztelekuan.
• 18:30 Ondoezik elektrotxaranga kocktail tropikalarekin, txosnetatik abiatuta.
• 19:00 Bertsolariak Joxe Martin Sagardia plazan: Asier Azpiroz, Nerea Elustondo, Unai Iturriaga eta Aitor Mendiluze. Gai-emailea: Amaia Agirre.
• 20:30 Palestinarren aldeko herri argazkia txosnagunean.
• 23:00 Kontzertuak txosnetan: Naxker, Ganibet eta Dj Fifi eta Fefa.
Uztailak 3, osteguna
• 09:45 Haur eta gazteei harrera, J.M. Sagardia plazan.
• 10:00-13:00 Txikienentzat puzgarriak frontoian.
• 10:00-12:00 Erronka LH5-DBH2koentzat eta ginkana LH1-4koentzat.
• 10:30-11:30 Txutxu trena. Eguneko Zentroa eta Artzabalgo Helduak.
• 11:30-13:30/15:30-17:30 Txu-txu trena, Bordatxo aurretik.
• 12:30 Buruhandi eta erraldoiak.
• 13:30 Umeen bazkaria Artzabalen (norberak ekarrita).
• 15:30 Ur puzgarriak Artzabalen.
• 16:00 Mus txapelketa Askatasuna plazan (izen ematea 15:30-16:00).
• 18:00 Txokolate jatea eta Dantzaokea Dema plazan.
• 18:30 Poteo elegantea txosnetatik abiatuta.
• 20:30 Erromeria frontoian: Bide Batez.
Uztailak 4, ostirala
• 11:00 Kolore Festa frontoian.
• 11:00-13:00 Toka txapelketa eta Santixabel Igel Jokoa, Artzabalen.
• 14:00 Jubilatuen bazkaria, Atxega Jauregian.
• 14:30 Gazte bazkaria txosnetan. Ondoren, bingo musikatua.
• 15:30 Puzgarriak frontoian eta Askatasuna plazan.
• 16:30 Frutarekin eskulan/merienda eta egur jolasak Artzabalen.
• 18:00 Hamarru Elektrotxaranga txosnetatik abiatuta.
• 18:30 Bola txapelketa.
• 20:00 Tapia eta Leturia frontoian.
• 23:00 Kontzertuak txosnetan: Sustrai berriak, Mirua eta Zer Dj-a.
Uztailak 5, larunbata
• 12:00 Kalejira Bentazaharreko mutiko alaiak-ek girotuta.
• 12:30 Herritarren arteko herri kirol lehia.
• 14:00 Zikiro jana Askatasuna plazan, Bentazaharreko mutiko alaiak-ek girotuta.
• 18:00 Errekortariak eta sokamuturra Udarregin.
• 18:00 Mugi panderoa erromeria txosnetan.
• 19:00 Buruhandiak, erraldoiak.
• 19:30 Laskotxaranga.
• 23:00 Kontzertuak frontoian: Viafara eta Janus Lester.
• Jarraian, txosnetan: La Txama eta Fantasia Dj.a.
Uztailak 6, igandea
• 07:00 Kita del Pare txaranga txosnetatik abiatuta.
• Ondoren, gaupaseroen argazkia.
• 09:00 Esnadeia, trikitilariekin.
• 11:30 Joaldunak Egurtzegitik abiatuta.
• 12:00 Kale Zirkua. 'Mikra' ikuskizuna eskainiko dute Artzabalgo frontoian.
• 18:30 Paella lehiaketa txosnetan. (Izen-ematea, 18:00etan).
• 18:30 Buruhandi eta erraldoiak.
• 18:30 México Lindo kalejira eta mariatxiak Artzabalen.
• 23:00 Maskota erretzea eta traka, Dema plazan.
• 00:30 Karaokea txosnetan.
Antolatzailea: Usurbilgo Jai Batzordea.
