Udako oporralditik itzultzear dira Usurbilgo kantu zaletuak ere. Astelehenean helduko diote berriro entsegu saioei eta hilaren 28an irtengo dira berriz plazara kantu jiran. Lerrootan dituzue xehetasunak baita herri mailan antolatu diren beste hamaika ikastaroren berri ere.

Estreinako edizioak baino iraupen luzeagoa izan eta ariketa kolektibizatzeko apustua egingo duen Euskaraldiaren bigarren edizioa urtebete barru helduko zaigu. 2020ko ekimena prestatzeko bilera irekia deitu du Usurbilgo herritarren batzordeak astearte honetarako, irailaren 10erako 17:00etan Potxoenean. "Lagunduiguzu ekimena herriratzen!", deitu dute Euskaraldiko sustatzaileek.