Umeen Egunarekin agur esan diete aurtengo San Estebanei Urdaiagan. Goizean jokuak egin dituzte eta eguerdian haurren arteko bazkaria izan da. Bazkalostea alaitzen izan da DJ Kaktus, baina euriaren ondorioz, uste baino lehentxoago amaitu behar izan du ikuskizuna. Txokolatea banatu dute orduan eta amaitzeko, buruhandiak atera dira azken aldiz.

San Esteban egunez, urtero legez, meza nagusia ospatu dute goizean. Ondoren, paxientxi eta ardo goxo banaketa. Herriko dantzariek hartu dute plaza eguerdian. Arratsaldean, mus txapelketa jendetsu eta luzea egin dute. Umeentzako eskulan tailerrak egin dituzte eta buruhandiak atera dira. Herri afaria egin dute ondoren, eta afalostea alaitzeko bertsolarien saioa. Gauean, Trikizio taldeak hartuko du oholtza.