Ostiralean arratsaldean hasi eta igande gauera arte luzatuko dira Atxegaldeko festak. Jai Batzordeak uztailean jakinarazi zuen haien gidaritzapean egindako azken festak izango direla aurtengoak eta errelebo beharrean dira 2020an festak ospatuko badira. Aurtengoan jarri nahi dute arreta antolatzaileek eta datorren urteari begirako erabakiak aurreragoko kezkak izango dira.

Ezin bereziagoak izango dira datozen abuztuaren 23tik 25era Atxegalden ospatuko diren jaiak antolatzaileentzat. Sare sozialen bidez azken orduotan iragarri duenez, "Jai Batzordeak aurtengo festekin amaitutzat ematen du bere ibilbidea". Errelebo beharrean dira, eta horretara, antolaketa lanetara animatzen dituzte kide berriak, ez baitute festak desagertzerik nahi.