Gaztetxoenek esnatu dute Atxegaldeko festen bigarren egun hau. Jolasten eta sortzen ekin diote jai batzordeak haientzat espresuki prestaturiko goiz parteari. Marrazten eta eskulan ezberdinetan aritu dira 11:00ak aldera hasitako goizpasan. Jokoei ekin diete gero; aulki eta globo jolasei, lokots bilketari... Primeran pasa dute.
Ez dira esku-hutsik joan festen eremutik, gainera. Urtero moduan, opari mordoa zozketatu du jai batzordeak, goiz parteko ekintzetan parte hartzaile izandakoen artean. Eta ez ziren gutxi; adin tarte ezberdinetako 70etik gora lagunek bat egin dute azken orduotan auzoko jaiekin.
Goiza, ondoko irudiotan ikus dezakezuen moduan borobildu dute; buruhandiengandik ihesi.
