Martxoaren 31n erraustegia martxan izan zela salatu dute. "Funtzionatzeko baimenik gabe". Horretaz gain, Zaldibarko industria-hondakinak aurrerantzean Zubietara garraiatuko dituzten beldur da Usurbil zein Lasarte-Oriako herri ekimena. Hau guztia salatzeko protesta ekintza bat iragarri dute gaurko. 

Koronabirusa gure eguneroko jardunean eragiten ari da, eta nola gainera. Hondakinen kudeaketan ere, neurri berriak hartu beharko dira. Gaixotutakoen edota isolatuta dauden herritarren hondakinak biltzeko protokolo berezi bat jarri da martxan. Gainerako herritarrentzat ere, gida onen praktika bat landu du Udalak. Kuboa zintzilikariotik hartu ondoren, ondo garbitu eta toki aireztatu batean utzi behar da.