Xuak urtarrilaren 19an 3 urte bete zituenean, jada baldintzapean aske behar zuten arren, Valentziako Picassenteko espetxean dituen guraso Olatz Lasagabaster eta Patxi Urangarengandik bereizi zuten. Hilabete igaro da eta ordutik ez diete elkarrekin egoten utzi. Berriz elkar ikusi ahal izateko epea luzatu daitekeela dirudi. Xuarekin eta amona Mari Karmen Anzarekin gaurko eta hurrengo asterako eskatuak zituzten bisitak ukatu dizkiete, joan den astetik Madrilgo Aranjuezeko espetxean diren Olatzi eta Patxiri.

Usurbilen Nahi Ditugu bilguneak bertan behera utzi du, hilero moduan, otsailaren 28rako Mikel Laboa plazan deitu ohi duen euskal presoak etxeratzeko elkarretaratzea. Ordu berean, Lasarte-Orian deitu den manifestazioan parte hartzeko deia egin du.