Urtero moduan, uda parte honetan Usurbilgo herri eta auzoetan barrena dabilen festa giroa hurrengo geltokira heldu da ostiral honetan, abuztuaren 29an; Atxegaldera hain zuzen. Jai batzordeko kideek arratsaldeko 20:00etan jaurtitako txupinazoarekin abiarazi dituzte, auzoa asteburu batez biziberrituko duten festak.
48 orduz etenik gabeko parranda giroan murgiltzeko gogotsu agertu dira antolatzaileak, festetako ospakizunak egiten ohi diren plazara begirako "balkoian". Handik galdegin dutenez, "nahi ditugun jai parekide eta feministak aldarrikatu nahi ditugu, ez dugulako inolako erasorik onartuko".
Eskerrak eman dizkiete jaiok antolatzeko auzolanean jardundakoei; egungo jai batzordeko kideei nahiz aurreko urteetan antolaketa lanetan aritutakoei.
Jai batzordekoek lehenik eta plazan bildutakoak gero oihukatutako "gora Atxegaldeko festak!" aldarriarekin piztu dute auzoko festak abiarazi dituen suziria. Abiatze koloretsua izan dute jaiok.
