Izerdi patsetan amaitu dituzte Urdaiagako aurtengo jaiak. San Esteban eguneraino heldutako ospakizunen zikloa, herri kirolen lehiarekin agurtu dute astelehen arratsalde honetan.
Festa hauetan erroturiko hitzordua dugu dagoeneko. Auzokide zein herrikideez osaturiko bi kirolari multzo gogotik lehiatu dira herri kiroletako zenbait probetan; Sanixtebanetako pentatloia izan da jokoan.
Izan ere, lots bilketan, txingak garraiatzen, trontzan, aizkolaritzan nahiz lasterka neurtu dira belaunaldi ezberdinetako jokalariak.
Proba girotzen hasteko, aizkolaritza erakustaldia egin dute.
Herri kiroletako erakustaldiarekin borobildu dituzte aurtengoz, iragan ostiralean hasitako Urdaiagako jaiak.
