Euskal Herriko Kantu Taldeen sareak Euskal Herria Kantuz Eguna antolatu du ekainaren 22an Nafarroako Tafallan. Usurbilgo Euskal Kantu Taldeak bat egin du deialdiarekin. Horretarako, Tafallako jaialdian parte hartzea prestatzeko datozen hiru astelehenetan, hau da, ekainaren 2an, 9an eta 16an entsegu saioak antolatu ditu Kantu Taldeak, ohi bezala, arratsaldeko 18:00etan Agerialdeko musika gelan.
Tafallara joateko, bestalde, gogoan izan, Kantu Taldeak antolaturiko autobus zerbitzuan izena emateko maiatzaren 31ra arteko epealdia zuten jarria.
Euskal Herriko kantu taldeen topaketa
Iaz ez zuten egiterik izan. Aurten, ordea, "kostata" aipatu saretik zehaztu dutenez, baina "Tafallan bilduko ditugu Euskal Herri osoko kantu taldeak, kantuak oinarri hartuta guztion artean gure kultura, ondare musikala, eta hizkuntzari beste bultzada bat emateko. Zorionak Nafarroako kantuzaleei eta batez ere Tafallako taldeari".
Ildo beretik, Usurbilgo Euskal Kantu Taldetik azaldu dutenez, "euskaraz, kantuan eta kontuan arituz, lagunarte ederrean egun zoragarri bat pasatzeko aukera ezin hobea" izango da. Herriko bilgune horrek hara joateko autobus zerbitzua antolatzen ari dela jakinarazi dio mezu bidez NOAUA!ri. "Herritar edonork eman dezake izena Tafallan ospatuko den Euskal Herriko kantuzaleen arteko euskal kantuen festa erraldoi honetan parte izateko".
Tafallara joateko, bestalde, gogoan izan, Kantu Taldeak antolaturiko autobus zerbitzuan izena emateko maiatzaren 31ra arteko epealdia zuten jarria.
Euskal Herriko kantu taldeen topaketa
Iaz ez zuten egiterik izan. Aurten, ordea, "kostata" aipatu saretik zehaztu dutenez, baina "Tafallan bilduko ditugu Euskal Herri osoko kantu taldeak, kantuak oinarri hartuta guztion artean gure kultura, ondare musikala, eta hizkuntzari beste bultzada bat emateko. Zorionak Nafarroako kantuzaleei eta batez ere Tafallako taldeari".
Ildo beretik, Usurbilgo Euskal Kantu Taldetik azaldu dutenez, "euskaraz, kantuan eta kontuan arituz, lagunarte ederrean egun zoragarri bat pasatzeko aukera ezin hobea" izango da. Herriko bilgune horrek hara joateko autobus zerbitzua antolatzen ari dela jakinarazi dio mezu bidez NOAUA!ri. "Herritar edonork eman dezake izena Tafallan ospatuko den Euskal Herriko kantuzaleen arteko euskal kantuen festa erraldoi honetan parte izateko".
Euskal Herria Kantuz Eguna 2025
Ekainak 22, igandea
Ekainak 22, igandea
9:00 Autobusa irtengo da Kiroldegi aurretik.
11:00 KANTU TALDE GUZTIEN TOPAKETA eta HAMAIKETAKOA Tafallako plazan.
12:00 Ongi etorria, Fermin Balentziari omenaldi xumea, kantuak eta KANTUJIRA.
13:30 KANTUJIRAREN amaiera Tafallako plazan erraldoiekin batera
14:30 HERRI BAZKARIA Ereta parkean (Eguraldi txarra bada Ereta pilotalekuan). 30€ propio egun honetarako aterako duten kantu liburuxka barne. HERRI BAZKARIA / MENUA: Entsalada mixta / Paella / Arkumea / Gazta tarta / Kafea / likoreak / ogia eta ardoa.
17:00 Bazkalosteko KANTU SAIOA eta JAUZI-DANTZAK.
21:00 Usurbilen izango ginateke.