Perli eta Koxkolo pailazoak Aginagan arituko dira larunbat honetan

Perli eta Koxkolo pailazoek “bidaia liluragarri bat” proposatuko diete Aginagako Eliza Zaharrera bertaratzen diren guztiei. Antxomolantxa elkarteak antolatu du larunbat arratsalde honetako ekitaldia eta 17:30ean hasiko da.

 

Perli eta Koxkolo oso saltseroak dira. Musikaren eta dantzaren laguntzaz osatzen dute ‘Bidaia lliluragarria’ izeneko emanaldia. “Aniztasunaren aldeko istorio musikatua, irudimena pizteko eta familia-giroan primeran pasatzeko”, pailazoek beraiek aditzera eman izan dutenez.

Antton Aranburu eta Lore Ibarguren dira ikuskizun honen sortzaileak. esan bezala, larunbat honetan Aginagan izango dira. 17:30etik aurrera, Eliza Zaharrean.