Giro ederra nagusi izan da martxoan zehar Hariztitxo pilotalekuan. Lehiatik harago, partehartzaileen eta aginagarren arteko adiskidetasuna nagusitu da. Eta horrela iritsi da Aginaga Winter Series izenekoa, final handira. Emaitza izango da gutxienekoa, ondorengo festak elkarlotuko baititu garaileak zein galtzaileak.
Aldaketak finaleko karteleran
Aginaga Winter Serieseko 3. eta 4. postuak argitzeko partida iragarrita bazegoen ere, azken orduan aldaketa bat egin dute antolatzaileek. Horren ordez, “agiñarren arteko partida jokatuko da. Hau 3. eta 4. postuaren partida jokatuko genuenon adostasunarekin egin da. Politagoa iruditu zaigu!”, adierazi digute ohar baten bidez.
Aginaga Winter Series
Martxoak 26 igandea, Finalerdietako emaitzak:
17:00etako partidan:
Agirretxe/Lorenzo 22
Enrike Huizi/Jokin Zubiaur 21
18:00etako partidan:
Jon Zumeta/Imanol Galarraga 22
Asier Arruti/Jon Olaizola 7
Apirilak 1 larunbata, Aginaga Winter Serieseko final handia:
17:00 Agiñarren arteko partida:
Xabier Murua-Dolo Errasti
Alazne Arruti-Iban Arruti
18:00 Final handia:
Imanol Agirretxe- Beñat Lorenzo
Jon Zumeta-Imanol Galarraga
Oharra: Bi partidak galtza zuriz jantzita jokatu beharko dira.
Bi partiden ondoren, festa Aginagako Eliza Zaharrean.