Ospakizun giroan agurtu dute 2024-25 ikasturteko lehen hiruhilekoa baita urte hau ere Aginagako eskolakoek. Ostiral goiz honetan, neguko oporraldian murgildu aurretik, gurean ditugun gabon giroa hedatzen aritu dira herrian barrena. Etxez etxeko bira egin dute Aginaga erdigunean barrena, kantuan eta haiek sortutako bertsoak abesten. Hamaiketako ederra dastatu ahal izan dute egindako geldialdietako batean, Sekaña aldean.
San Tomas azokako postua
Urte garai honetako ospakizunetan, ordea, lehenago, iragan igandean hasi ziren murgiltzen, NOAUA! K.E.-ren San Tomas azokan parte hartu baitzuten. Ekimen haren harira, ondoko eskertza eta zorion mezua igorri dute NOAUA!ra:
"Agiñako eskolak, San Tomas azokako postua osatzen lagundu gintuztenei eta bertara hurbildu zirenei eskerrak eman nahi dizkie. Baita ere txalotu gure ikasle kuadrilak egindako lan guztia. Azkenik, gure zorionik beroena 78 zenbakia erosi zuen jabeari, hura izan baitzen zozketatu zen otarra etxera eraman zuena. Bejondeiola!".
