Zer litzateke festa giroa, jan-edanik gabe? Jaien irrika ere ase beharra izaten da, eta gogotik aritu dira horri erantzuten Aginagako jaietan. Auzolanean jo eta su aritu dira ostiral honetan, urriaren 3an, sukaldatze eta zerbitzatze lanetan.
Tokiko produktu bi baliatu dituzte, bertan zirenen festen egarria eta gosea arintzeko; sardinak batetik, eta sagardoa, Urdairakoa, bigarrenik. Esker onez eta eskuzabalik egin diote harrera afari-merienda zerbitzu horri.
