Herri Kooperatibak eta Usurbilgo Udalak hitzarmen bidez adostu dute Aginaga biziberritzeko proiektu komunitarioa. Hitzarmenean jasotakoaren arabera, "Udalak Aginagan dituen bi ekipamendu lagako dizkio herri kooperatibari: Eliza Zaharra eta Arrate ostatua". Atzoko sinadura ekitaldia aprobetxatuz, Arrate ostatu eraberritua inauguratu zuten. Taberna, denda eta jantoki funtzioak beteko ditu aurrerantzean.