Lan hitzarmena negoziatzerakoan tirabirak sortu ziren Igepak-eko nagusien eta langileen ordezkarien artean. Gauzak horrela, martxoaren 11n egin zuten lehen lan-uztea, hitzarmen duin bat galdegiteko. Negoziazioetan emandako urrats eskasengatik mobilizazio zaratatsua deitu zuten.
Gauzak bere horretan jarraitzen zutenez, apirilaren 1ean greba orokorra egitea erabaki zuten. Lan hitzarmen duina eskatzen zuten pankartak agertu ziren lantegiaren inguruetan. "KPI gabe ez dago akordiorik", zioen lantegi atariko aldarrietako batek.
Biharko greba deialdia, bertan behera
Egun bakarreko deialdia izan zen baina baina enpresarekin akordiorik erdiesten ez bazen, berriz ere grebara itzultzekoak ziren. Egutegia ere aurreratu zuten: apirilaren 7an, 8an, 11n, 12an eta 13an.
Azken orduetan egoera bideratu egin dela dirudi. Igepak enpresako zuzendaritzaren eta
enpresa-batzordearen akordioarekin bertan behera utzi dituzte biharko eta datozen egunetarako deituak zeuden greba egunak.