Buztinzulok gaurko inaugurazio ekitaldian adierazi duenez, herritar askok parte hartu dute Atxegaldeko plazan aurkituko duzuen hormairudiaren sorkuntza prozesuan. "Zuen lana eskertzen dugu", adierazi dute Buztinzulokoek. "Pieza bakoitza esku askotatik pasa da, baina azkenean hormairudia hemen dago. Denon artean lortu dugu, guztiok disfrutatzeko. Eskerrik asko guztioi: umeei, gazteei, helduei, herriko brigadari, udaletxeari eta modu batean edo bestean parte hartu duzuen guzti-guztioi. Zorionak eta eskerrik asko!".
Hormairudia egin zuten asko bertaratu dira inaugurazio ekitaldira eta amaieran familia argazki bat atera duten muralaren magalean.