Kalezarren eraikiko dutena erresidentziatik haratago doan egitasmoa da. Udal iturrien arabera, "zaintzadun etxebizitzen auzunea" eraikiko dute bertan. "Urte luzeetan komentua izandakoan egingo da auzunea. Hitzarmen sozial bat lantzen ari dira orain, hainbat zerbitzuren arteko integrazioa lantzeko".
Aste honetako Tokiko Gobernu Batzordean onartu zuten urbanizazio proiektua. Horixe zen falta zuen azken udal-tramitea. Gauzak ondo, hilabete barru hasiko dira garabiak lanean.