Haurren hortzen osasuna hizpide Usurbilgo Haur Eskolak asteazken honetarako, maiatzak 18, arratsaldeko 17:30etan eskolako jangelan antolatu duen hitzaldian. "Neure haurraren hortzak. Txantxarrik gabeko haurtzaroak sortu ditzagun!" izeneko saioan, hizpideok jorratuko dituzte Maitane Naya Rezabal odontopediatrarekin: "Jaioberriek txantxarrak eduki ditzakete?; noiz hasi beharko nuke nire haurraren hortz garbiketarekin?; azukrea: gure etsai nagusia; edoskitzea eta aho osasuna; biberoia eta txupeteak, gomendagarriak al dira?; noiz eraman beharko nuke nire haurra odontopediatrarenera?".