Ikastaroak
Martxoak 12-maiatzak 21 (ostegunero)
17:00-19:00 Etxeko konponketen tailerra.
Formatzailea: Izaskun Gurrutxaga Etxeberria.
Zehaztasunak: "Etxean, ohiko lanez gain, tarteka sortzen dira beste zenbait behar. Lanpara hondatu da edo entxufe batek ez du funtzionatzen. Iturriak ura galtzen du eta komuneko bonbak ez du ondo ixten. Apal bat jarri nahi dugu edo lekuz aldatu nahi dugu. Hormak pintatu behar ditugu, edo zenbait konponketa egin ostean txukundu egin nahi ditugu. Ikastaroaren helburua da sor daitezkeen beharrei aurre egin eta konponketa txikiak egiteko oinarrizko ezagutzak eskuratzea: tresnak ezagutu eta erabiltzen ikasiko dugu, beldurra galdu eta konfiantza hartuz".
Izen-ematea: martxoaren 10era arte.
Kultur hitzorduak
Martxoak 12, osteguna
18:00 Arantxa Urretabizkaiak idatzitako “Zahartzaroaren maparen bila” liburuaren aukezpena. Idazlea bertan izango da.
Apirilak 18, larunbata
19:00 "Filipa Balbina: Klown emakumeak historian" ikuskizuna-dokumentala. Bea Larrañaga.
Zehaztasunak: "Antzezpena Bea Larrañaga emakume pailazoak egingo du. Zenbait pailazo antzeztuko ditu, hiru clown-arketipo baliatuta: aurpegi zuria, augusta eta kontra-augusta. Arketipo horiek oso arruntak dira zirkuan, eta normalean gizonezkoek antzeztu izan dituzte. Proiekzio Dokumentalean idatzizko materiala, argazkiak eta bideoak erakutsiko dira. Bea Larrañagak egin du bilketa historikoa, Merche Ochoak lagunduta. Ikuskizun Dokumentalean zehar, irudien, zuzeneko ikuskizunaren eta ikusleen arteko elkarrekintza egongo da. Horren emaitza ikuskizun dinamiko, entretenigarri eta informatiboa da. Barre egingo dugu, hunkituko gara, eta aurrez sekula entzun gabeko istorioekin aterako gara".
Martxoak 8
Otsailaren 24tik aurrera
Arratsaldetik aurrera, Martxoaren 1eko Donostiako 36. Lilatoian parte hartzeko Emakumeon Etxean talde gisa izena emandako 36 emakumeek lasterketarako materiala (kamisetak, dortsalak…) jasotzeko aukera Emakumon Etxean bertan, Kalezarko Pelaioenean.
Martxoak 1, igandea
10:00 36. Lilatoia Donostiako Bulebarretik.
14:00 Elene eta Anukek giroturiko pintxo pote musikatua Artzabalen. Txartelak salgai Artzabalen eta Txirristran 10 eurotan, otsailaren 27ra arte.
Antolatzaileak: Emakumeon Etxea eta Kafe Tertulia.
Martxoak 6 eta 7: autodefentsa feminista hastapen tailerra
Ordutegia:
-Martxoak 6: 17:00-20:30.
-Martxoak 7: 10:00-14:30.
Formatzailea: Maitena Monroy.
Hizkuntza: gaztelania.
Zehaztasunak: "Ikastaro teoriko-praktikoa, egunerokoan jasaten dugun matxismoari buruzko teoria eta indarkeria ikusezinak eta ikusgarriak lurreratzeko ariketa eta dinamika praktikoekin".
Nori zuzendua: 16 urtetik gorako emakumeei zuzendua.
Aholkularitza zerbitzuak
Zaintzaile profesionalentzako arreta eta aholkularitza (Maitelan Zaintza Kooperatiba)
Egutegia: otsailak 27, martxoak 27, apirilak 24, maiatak 22, ekainak 26, uztailak 24, abuztuak 28, irailak 25.
Ordutegia: 15:00-18:00.
Zehaztasunak: "Zaintzaile profesionalentzako aholkularitza zerbitzua, euren lanarekin lotutako gaiei edo bestelakoei buruzko kontsultak egiteko".
Hitzordua eskatzeko: sarea-red@maitelan.eus / 633 17 73 21.
Aholkularitza juridiko eta psikosoziala (Irule Abokatuak Taldea)
Egutegia: martxoak 18, apirilak 15, maiatzak 13, ekainak 17, uztailak 15.
Ordutegia: 15:00-18:00.
Zehaztasunak: "Zerbitzu honen bitartez gai konplexuei buruzko informazio juridikoa eskaintzen dugu: banaketa, dibortzioa, emakumeen kontrako erasoei buruzko prozesu penalak, dibortzio prozesuetatik sortutako gatazkak, mantenu pentsioen ordainketa ezak, bisita erregimenen ez betetzeak, atzerritartasunarekin lotutako arazoak, etxeko langile zein gainontzeko langile emakumezkoen kaleratzeak, diskriminazioa, eskubideei buruzko informazioa, laguntza sozialak eta bestelako kontsultak".
Hitzordua eskatzeko: emakumeonetxea@usurbil.eus / 943 377 112.
Aholkularitza psikologikoa (Sortzen Consultoria)
Egutegia: martxoak 2 eta 16, apirilak 13 eta 20, maiatzak 4 eta 18, ekainak 1 eta 15, uztailak 6 eta 20.
Ordutegia: 15:00-19:00.
Zehaztasunak: "Zerbitzuaren xedea pertsonen autoezagutza, ahalduntzea eta autonomia sustatzen duten tresnak ematea da, norbanakoaren ongizaterako eta gizarte-eraldaketarako. Ikuspegi psikosozial, humanista eta transfeminista bermatuz eskaintzen da zerbitzua".
Hitzordua eskatzeko: emakumeonetxea@usurbil.eus / 943 377 112.
Informazio gehiago:
Helbidea: Belmonte kalea 8 (Kalezar).
Ordutegia: 10:00-13:00 (astelehenetik ostiralera), 17:00-20:00 (astearte eta ostegunak).
E-posta helbidea: emakumeonetxea@usurbil.eus /
Telefono zenbakia: 943 37 71 12
Sare sozialak:
Facebook: @UsurbilgoEmakumeonEtxea
X: @UsurbilEmakumea
Instagram: @usurbilgoemakumeonetxea
Whatsapp: Usurbilgo Emakumeon Etxeko kanala
Eskuorria: Usurbilgo Emakumeon Etxeko 2026ko uztailera arteko eskaintza
Datozen hilabeteotarako antolaturiko jabetza eskolako ikastaroen baitan, etxeko konponketa tailerra antolatua zuen zenbait goizetarako Usurbilgo Emakumeon Etxeak, baina talderik ez da osatu. Honenbestez, arratsaldez taldea osatzeko izen-emate deialdi berria egin du. Lerrotan dituzue xehetasunak, baita Martxoaren 8ra begira nahiz hurrengo hilabeteotarako antolaturiko hitzorduei buruzko xehetasun gehiago ere.